كنداكة

كنداكة
  • 18 أبريل 2019
  • لا توجد تعليقات

يوسف حمدالنيل

كنداكة بت بلدى
زغرودتك السمحة
زادت حماس شعبي
راجيها من تشرق
و تزين الفرحه
ب احلي انشوده
الغنوه محشوده
كنداكة كنداكه
معروفه دغرية
ب ثورة محمية
افكارا سلمية
لا وقفا الرصاص
شايلة العلم درقه
والصوت كما الطلقة
شامخ وصادح فوق
فى دربك الأخضر
لي فجرك المأمول..
كنداكة كنداكه
محروسه بالنية
وسط الخلوق تهتف
حريه… حريه….
لي شعبنا الطيب
العلم العالم….
معنى النضال والحق
يا شعبي يا جبار…
باكر يطيب وطنك
فجرك خلاص قرب
دي الثورة كنداكة..
قوية يا بنيه…
يا سمحه النيه…
سلمية…. سلمية
يا راكزة للبنبان..
يا شارة يا عنوان
يا فخر للسودان..
ضد الحرامية…
كنداكة صوتك فوق
يا شامخة كلك زوق
للثورة انت الطوق
محميه.. محميه.

التعليقات مغلقة.