كورونا

عايزني أعمل ليك شنو
قهوة
شاهي
وكاس عصير
ولّا المُلاح الما خمج ..
ولّا اتغاتت عليك
ويرد عليك سعد الجميل
يا عمو معليش
بابا مافي
بابا من البيت خرج
شفت كيف
فهمي عالي غير ما كتير زيَّك درج
اعمل شنو
لو مرة قام الزول تهرَّب
دون ما يكون الوش مُكشِّر
لو مرة قام الزول غنج
عايزني أعمل ليك شنو
ياخي عادي
أصلو ما بين (الناس) حرج
خليك بعيد
اقفل عليك بيتك وعيش
(أحجر) وليداتك معاك
لا زيارات
لا سلامات
أصلو الكورونا وبال وخيم
من المعامل قد نتج
ما تبتئس
خلي اللقاءات بالأثير
بالهاتف الممكن كتير
فالحال خطير
لكن كمان ما تنزعج
باكر بجيب ربي الفرج
باكر بجيب ربي الفرج ..
………
………..
…………..
قال جايي قال.