خليها لي..

(على لسان إنسانة )

​زعلانة .. أقعد أحنسها ..
فرحانة ..
أضحك وأونسها ..
شن ليها غيري .. وغيرها لي ..
خليها لي .. أنا أمي يا الله الكريم ..
روحي وعيني ..
​لو داير تقوم .. أنا بسندها ..
أفرش رويحتي وأرقدها ..
أنا سكرها .. وأنا بمبرها ..
وأنا سبحتها .. ونظارتها
جرعة دواها .. وحبتها ..
وأنا سرها الطاوياهو طي ..
​ما بنسى في الزمن الزمان
وكتين أبوي .. كان لسه حي ..
كيفن بتسقيني الحنان ..
وكيفن تخاف … بالجد علي ..
الليلة هسة الدور علي ..
زعلانة .. أقعد أحنسها ..
فرحانة .. أقعد أونسها ..
​وأنا قهوتها .. وأنا صاحبتها ..
تتعب .. أكون أنا راحتها ..
والراحة إيه .. غير راحتها ..
لو ماشة .. أمشي أتوكأها ..
لو قاعدة .. أقعد أأكلها ..
وبريدها لامن تدعو لي ..
وبريدها لما تقوم علي ..
​أنا أمي يا الله الكريم ..
خليها لي …
​
​