ما أحلاك كنداكة
عيونك بالأمل باسمة
وأشارتك بالنصر حاسمة
إنت وجودك فينا أساس
ومعانا الثورة متقاسمة
ما احلاك كنداكة
زغاريدك هتاف ثوار
حراك ثوري شرارة نار
لما تقولي تسقط بس
تبقى إشارة جرس إنذار
ما أحلاك كنداكة
ومارقة لدعم سودانك
وعارفة الثورة عنوانك
ما بتعرفي طعم الخوف
وكل الثورة ميدانك
ما احلاك كنداكة
وانت تعايني لي بكرة
وفي عينيك كم فكرة
عشان تبنيهو سوداننا
وتبقى الصورة ليك ذكرى
