مالكم كيف تحكمون-القوات الأممية (14)

مالكم كيف تحكمون-القوات الأممية (14)
  • 02 يونيو 2020
  • لا توجد تعليقات

نزار عبدالقادر

س: أها مجلس الأمن عمل شنو بعد إتفاق نيفاشا وبعد ما الطرفين طلبوا بعثة وقوات أممية؟ هل جدد للبعثة الموجودة UNAMIS؟
ج: مجلس الأمن طلع ليهو في خلال سبعة أيام قرارين بخصوص السودان مدد بيهم مدة UNAMIS، أصلا هي ذي ماقلت ليكم المرة الفاتت بعثة مؤقتة مدتهم كان من المفترض تخلص يوم 10 مارس 2005، في نفس اليوم مدد ليهم حتي يوم 17 مارس، ويوم 17 مارس تاني مدد ليهم اسبوع حتي يوم 24 مارس 2005م،
س: يعني ده ذي البحصل اليومين دي مع بعثة يوناميد؟
ج: بالظبط كده، لكن في النهاية مجلس الأمن حيطلع قراره وغالبا يكون بكرة الأربعاء 3 يونيو 2020م
س: أها وقرار البعثة طلع متين من مجلس الأمن؟
ج: يوم 24 مارس 2005 مجلس الأمن طلع واحد من أخطر قراراته تجاه حكومة الجبهة الاسلامية القومية، القرار 1590
س: 1590 لييه مشهور كده فيهو شنو؟
ج: أول حاجة وأخطر حاجة في قرار مجلس الأمن ده قال إنو الوضع في السودان لسه بشكل تهديد للسلم والأمن الدوليين، وتاني حاجة قال أنهم حيتصرفوا بناءا علي الفصل السابع من ميثاق الأمم المتحدة مش الفصل السادس.
وقرروا شنو بالله؟
ج: قرروا يعملوا بعثة كبيرة في السودان UNMIS بدل البعثة المتقدمة UNAMIS لفترة حددوها في الأول بي 6 شهور، ومعاها قوات أممية مكونة من 000 10 عسكري و 715 شرطي؛ سامعين الكلام ده تحت الفصل السابع ومعاها قوات أممية، يعني كل ما يقولوا تحت الفصل السابع معاها قوات أممية.
س: ومهمة البعثة الجديدة شنو؟
ج: أدوها ناس مجلس الأمن مهام كتيرة:
دعم تنفيذ اتفاق السلام الشامل بين الحكومة والحركة الشعبية لتحرير السودان،
مراقبة ورصد تحركات الجماعات المسلحة وإعادة نشر القوات في مناطق انتشار البعثة
المساعدة على وضع برنامج لنزع السلاح والتسريح وإعادة الإدماج
مساعدة طرفي اتفاق السلام الشامل على تعزيز فهم عملية السلام،
مساعدة طرفي اتفاق السلام الشامل في تحقيق المصالحة وبناء السلام،
إعادة هيكلة خدمة الشرطة، طبقا للمعايير الديمقراطية في حفظ الأمن، ووضع برنامج لتدريب الشرطة وتقييمها، والمساعدة في تدريب الشرطة المدنية؛
مساعدة طرفي اتفاق السلام الشامل على تعزيز سيادة القانون، بما في ذلك القضاء المستقل، وحماية حقوق الإنسان لجميع سكان السودان من خلال استراتيجية شاملة ومنسقة تهدف إلى مكافحة الإفلات من العقاب والإسهام في تحقيق السلام والاستقرار في الأجل الطويل،
مساعدة طرفي اتفاق السلام الشامل على تطوير وتدعيم الإطار القانوني الوطني؛
حماية المدنيين والاضطلاع بأنشطة الرصد؛ تقديم التوجيه والمساعدة التقنية لطرفي اتفاق السلام،
دعم الأعمال التحضيرية للانتخابات والاستفتاءات المنصوص عليها في اتفاق السلام الشامل وإجرائهما؛
س: ده كله؟
ج: لا لسه، القرار أداهم كمان مهام تانية:
تيسير وتنسيق العودة الطوعية للاجئين والمشردين داخليا،
المساعدة الإنسانية، بوسائل من بينها المساعدة في تهيئة الظروف الأمنية الضرورية؛
مساعدة طرفي اتفاق السلام الشامل في إزالة الألغام،
حماية وتعزيز حقوق الإنسان،
تنسيق الجهود الدولية الرامية إلى حماية المدنيين، مع إيلاء اهتمام خاص للفئات الضعيفة، بمن في ذلك المشردون داخليا، واللاجئون العائدون، والنساء والأطفال،
س: والقرار طلب شنو من ناس الحكومة؟
ج: طلب منهم إنهم يتعاونوا تعاون تام مع ناس الأمم المتحدة ديل ويسهلوا ليهم أي حاجة عاوزنها، وكمان يضمنوا ليهم سلامة وأمن وحرية تنقل الموظفين في كل البلد مش في الخرطوم بس؛
س: هل القرار 1590 إتكلم عن تحسين الإقتصاد وتعمير البلد؟
فاصل ونواصل
جنيف 2 يونيو 2020

التعليقات مغلقة.