القمر في ضوء بهاك

القمر في ضوء بهاك
هزم هرم المدينة
ظلام حواري
خلو طرق
من هسيس خطو
الغبش باعة تعب…
السحب راحلات تتغطى
بضوك عمر
رحلة كتب في الذاكرة
ما انفك ريق
جوع المدينة
ظما الزروع
باقي المطر…
تحرق في البحر
حرب المدن
ملت المقابر
والميادين
حتي الفصول
وساحات المدارس
بقت مقابر…
وباقي الأمل
نشوف غيرك
يا وطن،
دون جواز
أو فيزا
ل زحمة مدن
شوارعا طيف هموم
لمة غلابة
شاكية من جور الزمن
والزمن منكم براء
ظلم حكام الزمن
جهل المساكين
بالحقوق
وضياع ضياع
حب الوطن
حب ذات أنا
أو الطوفان…
لكن في ضوك
يا قمر دورين
الكابلي قال
أنا شفتك وين
في حلقة ذكر
أو حفلة تخرج
أطفال الرياض…
في نور القمر
انتي السطور
لكلام ما اترسمت
حروف هجاه
ولاحتى النقاط
في كلمة حب
أو حنين،
ل زول جميل
سكن الضلوع
وأسرج الليل
زي نور القمر
وقت الشمس
ترحل تفوت
بضوها،
وجهك إشراق الصباح
بهاء منتصف عمر النهار
ألق الغروب علي ضفاف
نيل الحياة،
لو لاك ما كانت حياة…