في غزل الأعضاء الداخلية للإنسان!

في غزل الأعضاء الداخلية للإنسان!
  • 17 يناير 2023
  • لا توجد تعليقات

تاج السر الملك

عرفنا غزل الرموش
وغزل الشنب الدريكسون والعيون الناعسة، كل هذه الاشياء وغيرها، ملامح وتفاصيل مادية خارجية ملموسة.. عدا التغزل (بالكمونيه) طبعا، الليلة يا قول حاجة عشة امي ( الجماعه ظهروا لينا بفن جديد).
مشيت المستشفي لعمل بعض الفحوصات، من ضمن الفحوصات ، cat scan, للرئتين، الفنية والفني الامريكاني كانو في قمة الانقشاع، مافي زحمة، الناس محتفلين بعيد ميلاد مارتن لوثر كنغ، لمو فيني، المكتوب، على المامكتوب في الورقة عملوه، اسكان بالجنبة، واسكان للكلاوين ، ثم الراس، وهو الاساس، واسكان المؤسسة العسكرية… ثم اخيراً ال
Lungs 🫁
المرّة دي، اصرت المرةا سليلة الفراديس، ان تقوم هي بالتصوير، تنازل الفني، بعنجهية رجالية، تلبس ثوب الظرافه، قامت رفعت الكاميرا فوووق، وصاحت آمرة: اقيف علي حيلك يا عزو، تبا لك
وقفت ديدبان!
ودززززززز
قطعت فيني نور..وكليك، وجري مشت بهناك مع الراجل، يعاينو النتيجة…. اقوم اسمع ليك سرخة
OMG
ركبي بردن
ياساتر
صحت
في شنو؟لقيتو فرده شراب؟
ضحك الدويتو، من جذل وبهارمونية، حتي كادت الضحكة تتحول لاغنية.. قالوا معاً:
ابرد، ياخ انت عجيب ااانجيب.
ثم جاتني ( الفنية يا الغزلية)، من وراء حجاب، مارقة تتقصع، الهوينا والي اخر القصيده، وعاينت لي من فوق لتحت:
الرئتين لكن ماعندك! طواااال وزي الموزة.. إنتو عاد يا الحبش ما جرايين، لكن السودانيين اخر واحد اسمو خليفة كان… يا حليلو!
لبرهة فرحت
يعني هسي انا عادي (اخرت ) الناس في حتة الرئتين دي
لكن. اشيل معاي صورة الاشعة ولا شنو؟
ثم انتبهت وصحت حانقاً: قهرتك بالذي…
قمت اتذكرت الامريكان وبالذات البيض ما سحارين…
لكن بدورو النمرة..
قمت غنيت
Good love six nine nine, six nine
Min kalimat Isaac Hayes🌹
الفني ابتسم وقالي … لكن انتو ياناس برج التور
‏Complain for you
شكيكتكم ☺️..
تاج السر الملك

التعليقات مغلقة.